Gå dit.

Arizona har no bestemt seg for å vurdera ein lov som gir dei lov å kasta ut babyer, som blei fødd av ulovlege innvandrarar, på amerikansk jord. Innvandrarar kjem til Amerika, ulovleg, får barn, og siden barnet då får amerikansk statsborgarskap, får foreldra bli der til barnet blir 21 år. Jaudå, eg kan forstå korleis det kan bli eit problem, og eg har ikkje så mykje mot akkurat den loven, sjølv om det er heilt på trynet og dømmer fleire til eit liv i fattigdom og ein tidlig død i sitt heimland.

Det som verkeleg gjer meg forbanna, er Arizona sin lov, som gir politiet i Arizona lov til å bruka ein persons etnisitet som grunnlag for å ta dei med ned på stasjonen for å sjekka om dei er illegale eller ikkje. Greit nok, det er utruleg mange ulovlege innvandrarar i Arizona og dei sørlige statane, og det er vist koplingar mellom kriminelle statistikkar og dei ulovlege innvandrarane, som visar at dei er overrepresentert. Det gjer ikkje dette greit.

Det Arizona prøver å gjera, er å ta seg av symptomane, men ikkje sjølve sjukdommen. Dei delar ut lommetørkler istadenfor vaksine. Dette kjem ikkje til å fiksa problemet, det kjem til å skapa hat. Arizona opnar døra til ein verden med rasehat og raseskille. Arizona kjem til å bli det Sør-Afrika var. Det er berre eit spørsmål om tid før dei får eit hard tilbakeslag. Dette kjem garantert til å føra til noko blodig.

Det er ein skam at me, i vår opplyste tidsalder, høyrer om slike nyhende som dette. Det virker som noko ein kunne lest i ei avis i Amerika på 1700-talet eller noko slikt.